Ներկայացնում ենք Visa-ի համաշխարհային արվեստի հավաքածուն
ՖԻՖԱ-ի հետ մեր գործընկերությունից ոգեշնչված՝ այս իր տեսակի մեջ առաջին համագործակցությունը տոնում է ֆուտբոլի միավորող ոգին և համաշխարհային ուշադրության կենտրոն բերում նկարիչներին։
Ծանոթանալ նկարիչների հետ
Visa-ն վեց մայրցամաքներից հրավիրել է ավելի քան 20 նկարիչների՝ վիզուալ ներկայացնելու իրենց երկրները և նշելու այն բազմազան ավանդույթներն ու պատմությունները, որոնք ֆուտբոլը դարձնում են համամարդկային:
ԳԼՈԲԱԼ
Դարիեն Բիրքս
Դարիեն Բիրքսը նկարազարդող և դիզայն-տնօրեն է։ Որպես անկախ նկարիչ՝ նա ուսումնասիրում է փոփ մշակույթը, դիմանկարները և առօրյա առարկաները նոստալգիայի և պատմողականության տեսանկյունից: Նրա աշխատանքներում դիզայնի ճշգրտությունը միահյուսվում է արտահայտիչ իլյուստրացիային։
ՕՍՏԻՆ, ՏԵԽԱՍ
Նեյթան Ուոքեր
Նկարիչ Նեյթան Ուոքերը բնակվում է Տեխաս նահանգի Օստին քաղաքում։ Նա ղեկավարում է սեփական ստուդիան, որտեղ կյանքի է կոչում պատմություններ՝ ստեղծելով համարձակ, կերպարային մոտեցմամբ աշխատանքներ՝ լի էներգիայով և անհատականությամբ։ Սպորտով, մրցակցության ոգով և փողոցային արվեստի մշակույթով ոգեշնչված՝ Նեյթանը իր յուրահատուկ տեսանկյունն է բերում յուրաքանչյուր նախագծի՝ ստեղծելով թարմ, մտածված և վիզուալ առումով արտահայտիչ աշխատանքներ:
ՄԱՅԱՄԻ, ՖԼՈՐԻԴԱ
Իվան Ռոկե
Իվան Ջ. Ռոկեն Մայամիում ծնված կուբա-ամերիկացի որմնանկարիչ է, որի աշխատանքները փոխանցում են քաղաքի գունային ռիթմն ու մշակութային բազմազանությունը։ Մայամիի փողոցներից սկիզբ առած նրա արվեստը ներկայացված է Նյու Յորքում, Դուբայում և Սեուլում, նաև` ԱՄՆ-ի բազմաթիվ հանրային նախագծերում։
ԿԱՆԱԴԱ, ՎԱՆԿՈՒՎԵՐ
Ռաֆայել Մայանի
Ռաֆայել Մայանին նկարազարդող է, ով բնակվում է Կանադայի Վանկուվեր քաղաքում։ Մեխիկո Սիթիում արդյունաբերական դիզայն և Բարսելոնայում կերպարվեստ ուսումնասիրելուց հետո նա ձևավորեց իր ուրույն ստեղծագործական ոճը, որին բնորոշ են վառ գույները և խաղային տրամադրությունը: Նրա աշխատանքները ներկայացված են տարբեր ձևաչափերում՝ նկարազարդ գրքերից մինչև խմբագրական իլյուստրացիաներ։
ԱՏԼԱՆՏԱ, ՋՈՐՋԻԱ
Ֆրենկ «Փեյփր» Դանսոն
Փեյփր Ֆրենկը Ջորջիա նահանգից ինքնուս նկարիչ է, որը ստեղծագործում է տարբեր արտահայտչամիջոցներով և խորապես կապված է Ատլանտայի ստեղծագործական համայնքի հետ։ Մեծանալով նկարիչների ընտանիքում՝ նա վերածեց իր անձնական փորձն ու անկատարությունները արտահայտիչ վիզուալ ոճի։ Ուսումն ավարտելուց հետո նա շարունակեց զարգանալ` ճանաչում ձեռք բերելով տեղական արվեստային համայնքում և պրակտիկա անցնելով դաջվածքի ճանաչված ստուդիայում։ Ատլանտան դարձավ այն քաղաքը, որը ձևավորեց նրա ստեղծագործական ուղին և առ այսօր ազդեցություն ունի նրա գործունեության վրա։
ՖԻԼԱԴԵԼՖԻԱ, ՓԵՆՍԻԼՎԱՆԻԱ
Ռահիմ «Քինգ» Սալադին Ջոնսոն
Արևմտյան Ֆիլադելֆիայում ծնված և մեծացած Ռահիմ Սալադին Ջոնսոնը, որը հայտնի է Քինգ Սալադին անվամբ, դեռ վաղ տարիքում բացահայտեց արվեստի հանդեպ իր կիրքը` չնայած ստեղծագործական զարգացման սահմանափակ հնարավորություններին։ Ժամանակի ընթացքում նա գլխովին նվիրվեց գեղարվեստին և ստեղծեց այն վառ ու արտահայտիչ ոճը, որը նրան ճանաչում բերեց ԱՄՆ-ում և արտերկրում: Այսօր Քինգ Սալադինը հայտնի է իր դինամիկ, ժամանակակից աշխատանքներով, որոնք խորապես կապված են Ֆիլադելֆիայում իր մանկության հիշողությունների հետ։
ԿԱՆԶԱՍ ՍԻԹԻ, ՄԻՍՈՒՐԻ
Ջեյ Թի Դենիելս
Կանզաս Սիթիում բնակվող նկարիչ Ջեյ Թի Դենիելսը իր ստեղծագործություններում միավորում է կերպարները, արտահայտություններն ու իրար վրա շարված ֆիգուրները ռիթմիկ կոմպոզիցիաների մեջ՝ ոգեշնչվելով քաղաքում շրջող մարդկանցով։ Նրա արվեստը փոխակերպում է մարդկային առօրյա շփումը կապերի, աճի ու փորձի փոփոխականության մասին վիզուալ պատմությունների: Յուրաքանչյուր դեմք և կառուցվածք փոխանցում է Կանզաս Սիթիի և Ջեյ Թի-ի ուրույն ձեռագիրը ձևավորող համայնքների էներգիան:
